مصر التي في خاطري

انا اطمع ان يمد الله في عمري لكي اري مصر كما اتمناها و كما رايتها في الستينات و في اوائل السبعينات
مصر بدون دروس خصوصية مصر بدون رشوة مصر بدون اصحاب امراض العظمة الفارغين من الداخل
مصر بدون نهازي الفرص و سارقي اموال البسطاء بدءا من سائقي الميكروباس حتي المحتكرين الكبار
مصر بدون فوارق طبقية تؤدي الي الاحباط و الياس و الاحقاد مصر بدون مشاريع لخدمة اغراض شخصية
مصر بدون كدابين زفة و بدون هادمي الاحلام زي بياع الكبده اللي دمر حزبين لحد دلوقتي
مصر بدون سماسرة المبيدات والغاز و غيرها

نفسي اشوف مصر فيها هيئة للبحث العلمي علشان يخدم الناس و يحسن حياتهم و يوفر وقتهم و مجهودهم
نفسي اشوف مصر فيها شرطة تحمي الناس من الاشرار و تساعدهم و تحل مشاكلهم وتخدمهم بامانة
نفسي اشوف مصر فيها رجالة بشنبات ليهم هيبة وستات فيها انوثة محترمة وعيال محترمين و نضاف
نفسي اشوف مصر اللي يشتغل فيها ياخد حقه اللي يكفيه و يخليه يعيش بكرامة و آدمية و يبدع لها اكتر
نفسي اشوف مصر ينطفي فيها التلفزيون و الراديو علشان الجار عنده حالة وفاة او مريض حتي
نفسي اشوف مصر قيمة الانسان فيها هي اللي عمله ليها مش اللي في جيبه من سرقتها و خيانتها
نفسي اشوف مصر تقدر العلماء و تعرف قيمتهم و تستفيد من علمهم و تشجعهم علشان يعلموا الناس