البابا لازم يعتذر

طالما احنا متحضرين كده و بنعتذر عن التفكير او التهديد بحرق كتب اليهود لمجرد الحصول علي منصب
او فرصة للترشيح لمنصب يبقي اقل واجب ندافع عن ديننا ونطالب بجدية وعلي كل المستويات ان البابا
يقدم اعتذار واضح و صريح عن الكلام اللي قاله ان الاسلام دين همجي وبغيض و انه انتشر بحد السيف
انا اظن ان كل واحد عاوز يتقنعر ويقول انه رئيس الهيئة الفلانية ولا المنظمة العلانية يبقي واجب عليه
انه يحافظ علي كرامة الناس اللي هو منهم و بيمثلهم علشان اللي رايحلهم يحترموه و ينتخبوه
انا شخصيا لما باشوف واحد ما بيحافظش علي كرامة اهله بيسقط من عيني يبقي الناس اللي ماسكين
الثقاقة علي مستوي العالم حايعملوا ايه الا اذا كانو هما كمان كده
البابا قا ل بعد تصريحاته انه قرأ الكلام ده في كتاب من العصور الوسطي فين بقي دور الثقافة انها
تفهم اللي مش فاهم؟
الحاجه الوحيدة اللي انا متاكد منهاعن الغرب انهم ما بقوش بحترمونا لاننا بقينا عاملين زي عسكري المراسلة
اللي بيغسل غيارات الظابط.
علي العموم انا باتمني للاخ اللي عاوز المنصب انه ينجح ويرجع من مطرح ما جه وانه سعيده
تتهني يسعيد
ياما ناس كانت في مناصب و كل ماتيحي سيرتهم يتلعنوا وياما فيكي يا مصر رجاله لسة بندعيلهم
زي احمد رشدي و حسب الله الكفراوي و الجنزوري واحمد اسماعبل
الله يرحم الرجاله !!
وربنا يهدي العاصي.
ملحوظة:
الصهاينة احنا مش حانقبل منهم اعتذار عن كل اللي عملوه ولا عن شهدائنا
لان يومهم جاي و الايام دول.